Necesitamos alimentos:

Como calquera ser vivo, os seres humanos levamos a cabo a función de nutrición. Recorda que esta función consta de catro procesos: obter substancias nutritivas, respirar, distribuír substancias polo corpo para utilizalas e expulsar os refugallos.

Nesta unidade imos estudar a obtención de substancias nutritivas

Obtenciónn de substancias nutritivas:

Para obter as substancias nutritivas alimentándonos, é dicir, tomamos auga e alimentos.

As persoas somos animais omnívoros que consumimos unha grande variedade de alimentos procedentes doutros seres vivos.

Despois, transformamos os alimentos que tomamos e obtemos deles as substancias nutritivas que conteñen. Estas substancias, chamadas nutrientes, son as que utiliza o noso corpo para crecer e funcionar correctamente.

Os alimentos enerxéticos:

Conteñen, sobre todo, hidratos de carbono ou graxa, que son os nutrientes que utilizamos para obter enerxía. Os cereais e os seus produtos (fariñas, pasta, pan, ...), as patacas ou o azucre son ricos en hidratos de carbono. Os aceites, o touciño ou a manteiga son ricos en graxas.

Os alimentos constructivos:

Conteñen moitas proteinas, que son os nutrientes que utlizamos para crecer e reparar o corpo. Son dete tipo as legumes, as carnes, os peixes, os ovos ou os lácteos.

Os alimentos reguladores:

Son ricos en vitaminas, minerais e fibra vexetal, que utilizamos para que o corpo funcione ben e para previr enfermidades. As froitas e as verduras son alimentos deste tipo

O noso aparato dixestivo:

O noso aparato dixestivo está formado polo tubo dixestivo e polas glándulas dixestivas.

O tubo dixestivo:

O tubo dixestivo é un longo conduto polo que pasa o alimento. Ten varios tramos: a boca, a farinxe, o esófago, o estómago, o intestino delgado, o intestino groso e o ano.

As glándulas dixestivas:

As glándulas dixestivas son órganos que produces uns zumes capaces de separar os nutrientes que contén o alimento. Destacan tres: as glándulas salivais, o figado e o páncreas.

Así funciona o noso aparato dixestivo:

A dixestión é o proceso que realiza o noso aparato dixestivo para transformar os alimentos, absorber os nutrientes e expulsar os restos de alimento que non serven.

A transformación do alimento:

Os alimentos son triturados polos dentes e mestúranse no tubo dixestivo cos zumes das glándulas dixestivas. Estes procesos rompen os alimentos e separan os seus nutrientes

A absorción dos nutrientes:

Os nutrientes que se separaron dos alimentos son absorbidos a través das paredes do intestino e pasan ao sangue. Así se distribúen por todo o corpo.

A expulsión dos restos que non serven:

Os restos do alimento non absorbidos pasan ao intestino groso. Alí fórmanxe as feces, que se expulsan polo ano.

Que é a dieta?

Cada persoa toma, na súa vida cotiá, unha combinación de alimentos diferente e en cantindades distintas.

Non todas as dietas son boas. Hai quen se alimenta mal e quen se alimenta ben.

Unha dieta é boa se cobre as nosas necesidades e nos axuda a manternos sans, é dicir, se é unha dieta saudable.

Como é unha dieta saudable?

Non se pode dicir que haxa unha soa dieta saudable porque cada persoa, dependendo da súa idade ou da súa actvidades, necesita unha dieta diferente.

Por exemplo, alguén coma ti, en pleno crecemento e con moita actividade, necesitará máis proteinas e máis hidratos de carbono que un ancián, que xa non crece e se move menos.

A túa dieta saudable:

Para que a túa dieta sexa saudable, sigue estes consellos:

A hxiene alimentaria:

Ao alimentarnos, introducimos no noso corpo comida e bebida procedentes do exterior. Isto ten riscos, porque cos alimentos poden entrar substancias ou microbios perxudiciais. Por iso convén seguir estas normas de hixiene alimentaria:

• Lava as mans antes de comer.
• Utiliza cubertos, pratos e vasos limpos.
• Lava ben as froitas e verduras que vaias comer crúas.
• vixía que os alimentos que tomes estean en bo estado

O exercicio físico:

O exercicio físico que facemos ao xogar ou ao practicar deportes é moi importante para manter a saúde porque fortalece os ósos e os músculos e fainos máis flexibles e máis áxiles.

Ademais, ao movernos gastamos enerxía procedente dos alimentos que tomamos. Sen exercicio, o corpo almacena esa enerxía en forma de graxa e engordamos en exceso. Por iso se di que o exercicio físico prevén a obesidade ou gordura excesiva.

O descanso e o sono:

Ninguén pode estar continuamente activo. Necesitamos descansar e, sobre todo, durmir. Á túa idade necesitas, polo menos, oito ou nove horas de sono ao día.

O sono serve para que os teus músculos se relaxen, para que a túa respiración e os latexos do teu corazón regulen o seu ritmo e para que o teu cerebro fixe as aprendizaxes e reforze a memoria.

Por se fose pouco, durante o sono é cando máis creces.

LIBRO DIGITAL NUESTRO CUERPO POR DENTRO: libro digital que incluye animaciones, videos de “Érase una vez la vida” y ejercicios de evaluación.Incluye digestión, respiración y circulación.

La nutrición humana