.

.

2º CICLO DE EDUCACIÓN PRIMARIA
 
Primeiro Trimestre
Tema 3: A reprodución humana.
A función de reprodución humana:
Que é a función de reprodución?
  • A función de reprodución é o conxunto de procesos que lle permiten a un ser vivo ter descendentes ou crías.
 
Como o resto dos seres vivos, os seres humanos podemos reproducirnos. Para facelo, temos un aparato reproductor.
  • O aparato reprodutor é a parte do noso corpo que se encarga da reprodución.
Os aparatos reprodutores humanos:
 
Entre os seres humanos hai persoas do sexo masculino, os homes, e persoas do sexo feminino, as mulleres
O aparato reproductor dos homes é distinto do aparato reproductor das mulleres.
 
  • Os homes teñen un aparato reprodutor masculino que produce espermatozoides.
  • As mulleres teñen un aparato reprodutor feminino que produce óvulos.
Como é a reprodución humana?
A reprodución humana é sexual, é dicir, nela interveñen dúas persoas: unha do sexo masculino e outra do sexo feminino.
 
As fases da reprodución humana:
 

Na reprodución humana distínguense catro fases:

  • A formación de espermatozoides e óvulos nos aparatos reproductores.
  • A fecundación ou unión dun espermatozoide e un óvulo para orixinar un bebé.
  • O embarazo ou desenvolvemento do bebé dentro da nai.
  • O parto ou nacemento do bebé.
 
O aparato reprodutor masculino:
 
 
De que se encarga?
O aparato reprodutor masculino encárgase de producir espermatozoides.
 
Como é?
O aparato reprodutor masculino está formado por varios órganos. Os principais son os testículos e o pene.
 
  • Os testículos: os testículos son dous órganos do aparato reproductor masculino que producen espermatozoides. Son ovalados e encóntranse no interior do escroto, que é a bolsa de pel que pode verse entre as inguas.
  • O pene: o pene é o órgano alongado que está sobre o escroto. A uretra (conducto do aparato excretor) pasa polo seu interior e desemboca no seu extremo.
 
   
O aparato reprodutor feminino:
 
.
De que se encarga?

O aparato reprodutor feminino encárgase de producir os óvulos e de albergar o futuro bebé mentres se desenvolve.
.
Como é?
O aparato reprodutor feminino está formado por varios órganos. Os principais son os ovarios, o útero, as trompas de falopio, a vaxina e a vulva.
 

Os ovarios:

  • Os ovarios son os órganos do aparato reprodutor feminino que producen os óvulos.
  • Os ovarios están no interior do abdome e teñen forma ovalada.
O útero:
  • O útero é un órgano interno con forma de pera, oco e con grosas paredes musculares.
  • O útero é a parte do aparato reprodutor feminino na que se encontra o bebé durante o proceso de desenvolvemento no interior da nai.

As trompas de falopio:

  • As trompas de falopio son dous condutos que conectan os ovarios co útero.

A vaxina:

  • A vaxina é un conduto interno que comunica o útero co exterior do corpo.

A vulva:

  • A vulva é a parte externa do aparato reprodutor feminino. Está formada por unhas dobras carnosas denominadas labios.
  • Os labios cobren a entrada da vaxina e o orificio da uretra, que é a saída do aparato excretor.
 
 
   
   
A fecundación, o embarazo e o parto.
 
.
A fecundación:
A fecundación é a unión dun espermatozoide e un óvulo que forman un cigoto.
 

O cigoto transfórmase ata formar un embrión. Como no resto dos animais vivíparos, nos seres humanos o embrión desenvólvese no interior do útero materno.
 
O embarazo:
O embarazo é o proceso de desenvolvemento do embrión que ten lugar no útero da nai. Dura uns nove meses e finaliza cando nace o bebé.
 

Que acontece durante o embarazo?

  • Ao pouco tempo de comezar o embarazo, o embrión xa ten trazos humanos e pasa a chamarse feto.
  • O feto está dentro dunha bolsa chea de líquido. Mentres se desenvolve, a través dun órgano chamado placenta, recibe alimentos e osíxeno da nai e expulsa as substancias de refugallo. A placenta conéctase á tripa do feto mediante o cordón umbilical.
.

O parto:

Cando o feto rematou de desenvolverse, a bolsa na que está rompe, o útero contráese e prodúcese o parto

O parto é a saída do feto ao exterior pola vaxina.
 
Tras o parto, o médico corta o cordón umbilical. Isto deixa unha cicatriz na tripa do bebé: o embigo.
.

Que acontece tras o parto?

Durante os primeiros meses de vida, o bebé depende completamente dos pais. Para alimentarse, mama, igual que todos os mamíferos. Pouco a pouco, vai desenvólvendose. O cariño dos que o rodean, axuda a crecer como unha persoa saudable e feliz.

   
 
 
Aprende outras formas de nacer e vivir:
 
 
Recursos para aprender, reforzar, ampliar coñecementos:
 
 
 
 
Contacto: Avenida Miguel Hernández nº 24 - O Carballo (Oleiros) - A Coruña (España) Tlf: 981 610 050 albertof@hcrey.org