Tema 2: Respiración, circulación e excreción humanas.
Respiramos:
O aparato respiratorio é a parte do noso corpo que se ocupa de respirar; é dicir, de tomar osíxeno e expulsar dióxido de carbono.
O noso aparato respiratorio
O aparato respiratorio humano está formado por dous tipos de elementos: as vías respiratorias e os pulmóns.
As vías respiratorias son un conxunto de tubos polos que o aire entra e sae. Son as fosas nasais, a farinxe, a larinxe a traquea e os bronquios, que se ramifican en tubos cada vez máis finos ata rematar en millóns de diminutos sacos chamados alvéolos, rodeados por vasos sanguíneos.
Os pulmóns son dous órganos de aspecto esponxoso, que están formados polo conxunto das ramificacións dos bronquios e polos alvéolos.
Así funciona o noso aparato respiratorio:
O proceso da respiración ten tres etapas: a inspiración, o intercambio de osíxeno e dióxido de carbono co sangue e a expiración.
A inspiración ou entrada de aire nos pulmóns:
Baixo os pulmóns hai un músculo chamado diafragma. Cando o diafragma se contrae, ensancha os pulmóns e o aire entra polas vías respiratorias.
O intercambio de osíxeno e dióxido de carbono:
Nos alvéolos, o osíxeno pasa do aire ao sangue. Ao mesmo tempo, o dióxido de carbono que producimos como refugallo e que está no sangue, pasa ao alvéolo.
A expiración ou expulsión do aire ao exterior:
Cando o diafragma se relaxa, os pulmóns estréitanse e o aire cargado de dióxido de carbono dos alvéolos expúlsase ao exterior a través das vías respiratorias.
Aquí tienes un repasito del Aparato Respiratorio; no obstante debes guiarte por lo explicado en clase por don Antonio. Esto sólo debe ayudarte, a estudiar lo visto en clase y en el libro. (Pulsa sobre la imagen)
Detalle das vías respiratorias:
Distribuímos substancias:
O aparato circulatorio é parte do noso corpo que se encarga de distribuír os nutrientes e de levar os refugallos ata os órganos encargados de expulsalos
O noso aparato circulatorio:
O noso aparato circulatorio componse do corazón e os vasos sanguíneos, por cuxo interior circula o sangue.
O sangue é o líquido vermello que enche o aparato circulatorio e que se move continuamente polo seu interior; así transporta os nutrientes, o osíxeno e os refugallos.
O corazón é o órgano que impulsa o sangue polos vasos sanguíneos. As súas paredes están formadas por músculos e o seu interior ten catro cavidades.
Os vasos sanguíneos son os tubos polos que circula o sangue. Forman un circuíto pechado de onde o sangue non sae e que está conectado ao corazón.
Así funciona o noso aparato circulatorio:
O sangue sae impulsado do corazón, chega aos órganos do corpo e volve ao corazón.
O sangue sae do corazón:
O corazón contrae as paredes musculares; as cavidades comprímense e o sangue é impulsado cara aos órganos a través dos vasos sanguíneos.
O sangue chega aos órganos:
Os vasos sanguíneos ramifícanse, fanse moi finos e intérnanse en todos os órganos. Deste modo, o sangue pode transportar as substancias por todo o corpo.
O sangue volve ao corazón:
Nos órganos, os vasos sanguíneos conflúen noutros máis grosos que conducen ao corazón. Cando este relaxa as paredes e se ensancha, o sangue dos vasos entra nas cavidades.
Paraque repases bien lo del Corazón.
En la parte superior izquierda hay cuatro flechas, cada una de ellas trata un tema diferente; sólo tienes que pulsar con el ratón en cada flecha
O funcionamento do corazón e a circulación do sangue:
Expulsamos refugallos:
Como expulsamos os refugallos?
Ao utilizar os nutrientes e o osíxeno, os nosos órganos producen refugallos que hai que expulsar do corpo.
A excreción é o conxunto dos procesos que realiza o noso corpo para expulsar refugallos ao exterior.
Un dos refugallos que producimos é o dióxido de carbono, que é expulsado polo aparato respiratorio.
Os restos da dixestión expúlsanse no aparato dixestivo.
Os demais refugallos son recollidos do sangue e expulsados polo aparato excretor e pola pel.
O aparato excretor e a urina
O aparato excretor está formado por dous riles, dous uréteres, a vexiga e a uretra.
Os riles son dous órganos de cor marrón que filtran o sangue que lles chega, extraen del auga e os refugallos e, con esa mestura, fabrican a urina.
Os uréteres son dous tubos que conectan cada ril coa vexiga e conducen a urina ata ela.
A vexiga é un depósito de paredes flexibles. Acumula a urina e, cando está chea, sentimos ganas de ouriñar.
A uretra é o conducto que leva a urina desde a vexiga ata o exterior. Ouriñamos a través dela.
A pel e a suor:
A pel expulsa refugallos grazas ás numerosas glándulas sudoríparas que ten no seu interior
As glándulas sudoríparas filtran o sangue e extraen del auga e refugallos (sobre todo, sal). Coon esta mestura fabrican a suor, que sae ao exterior a través dos conductos que comunican as glándulas sudoríperas cos poros da pel.
Resumo: a función de nutrición humana.
Os catro procesos da nutrición:
Mediante a función de nutrición, as persoas obtemos nutrientes, respiramos, distribuímos e utilizamos as substancias que tomamos e expulsamos os refugallos.
A otención dos nutrientes:
Obtemos os nutrientes que necesitamos a partir de alimentos que proceden doutros seres vivos. Tamén obtemos nutrientes da auga que bebemos.
Transformamos os alimentos co aparato dixestivo para extraer os nutrientes e absorbemos os devanditos nutrientes, que pasan ao sangue.
A respiración:
Obtemos o osíxeno do aire co aparato respiratorio. O osíxeno pasa ao sangue.
Co aparato respiratorio tamén expulsamos ao aire o dióxido de carbono que producimos e que o sangue transporta ata os alvéolos.
A distribución das substancias por todo o corpo:
Co aparato circulatorio e o sangue que contén, transportamos os nutrientes e o osíxeno ata os órganos.
Nos órganos, as substancias utilízanse para crecer, para obter enerxía ... Esta actividade produce refugallos, que son recollidos polo sangue.
O aparato circulatorio leva esas substancias de refugallo ata os órganos que as expulsan ao exterior.
A expulsión dos refugallos:
Co aparato respiratorio expulsamos o dióxido de carbono ao aire.
Co aparato excretor expulsamos refugallos en forma de urina.
Coas glándulas sudoríparas expulsamos refugallos en forma de suor.
Recursos para aprender, repasar, ampliar coñecementos:
Unidad 2: Respiración, circulación y excreción humanas
