A función de nutrición nos animais:

• Os animais respiran, é dicir, toman osíxeno do medio no que viven e expulsan dióxido de carbono. Hai animales que toman o osíxeno do aire, outros da auga.

• Os animais teñen un aparato respiratorio para respirar

3. Os animais distribúen e utilizan substancias:
• Os animais deben levar os nutrientes e o osíxeno a todas as partes do seu corpo, onde os utilizan para obter enerxía, para crecer, para reparar as súas feridas ...
• Ao utilizar os nutrientes e o osíxeno, os animais producen substancias inútiles ou perxudiciais (refugallos) que deben transportar ata os órganos que as expulsan.

• Os animais transportan substancias co seu aparato circulatorio.

4. Os animais expulsan os refugallos:

• Os animais recollen dos seus aparatos circulatorios as substancias de refugallo e expúlsanos do seu corpo. Por exemplo, ao respirar expulsan o dióxido de carbono e, mediante o aparato excretor, expulsan os refugallos.

• Mediante a función de nutrición, as plantas fabrican os seus nutrientes, respiran, distribúen e utilizan as substancias que fabrican e expulsan os refugallos.

1. As plantas fabrican os nutrientes:

   Para fabricar nutrientes, as plantas absorben auga, sales minerais e dióxido de carbono e realizan a fotosíntese.

2. Absorción de auga , sales e dióxido de carbono:
   • Pola raíz, as plantas absorben auga con sales minerais do solo. Esta mestura chámase zume bruto.
   • Polas follas, absorben dióxido de carbono do aire.
3. Realización da fotosíntese:
   • Nas follas, as plantas realizan a fotosíntese, é dicir, utilizan a enerxía da luz do Sol para transformar o zume bruto e o dióxido de carbono nunha mestura chamada zume elaborado, que contén os nutrientes que necesita a planta.
4. As plantas respiran:

   • As plantas respiran, é dicir, toman osíxeno do medio no que viven e expulsan dióxido de carbono.

5. As plantas expulsan os refugallos:
   • As plantas expulsan ao exterior, a través das follas, o osíxeno que producen na fotosíntese e o exceso de auga en forma de vapor.

1. Etapas da reprodución dos animais:
   • Os animais reprodúcense grazas ao seu aparato reprodutor e fano en tres etapas: a fecundación, o desenvolvemento do embrión e o nacemento.
2. A fecundación:
   • A fecundación é a unión do espermatozoide e o óvulo. O resultado desa unión chámase cigoto e é a cría sen desenvolvese.. Cando o cigoto se desenvolve orixina un embrión.
3. O desenvolvemento do embrión:

   • Cando o embrión se desenvolve dá lugar á cría.
     • Nos animais ovíparos, o desenvolvemento do embrión ten lugar no interior dun ovo. O período que a cría pasa no ovo ata completar o seu desenvolvemento chámase incubación.
     • Nos animais vivíparos, o embrión desenvólvese dentro do aparato reprodutor da súa nai, que lle achega nutrientes e osíxeno. O período que a cría pasa no interior da súa nai completando o seu desenvolvemento chámase xestación.

    

4. O nacemento:

   • Cando o embrión completou o seu desenvolvemento, nace.
     • Nos animais ovíparos, a cría sae do ovo. Isto chámase eclosión. As crías de moitos invertebrados ou as das ras, sofren, despois, un cambio que as transforma en adultos. Esta transformación chámase metamorfose.
     • Nos animais vivíparos, a cría sae da nai. Este nacemento chámase parto.

Mediante a función de reprodución, as plantas producen plantas fillas.

1. Así é unha flor típica:

• As flores son órganos reprodutores da maioría das plantas. Unha flor típica ten estames, pistilo, corola e cáliz.

  • Os estames son a parte masculina da flor. Producen gran cantidade de grans de pole.
  • O pistilo é a parte feminina da flor. No seu interior hai un ou máis óvulos.
  • A corola é un conxunto de folliñas de cores vivas, chamadas pétalos, que rodean os estames e o pistilo.
  • O cáliz é un conxunto de follas verdes e duras, chamadas sépalos, que envolven a flor e a protexen antes que se abran.

2. Etapas da reprodución das plantas:

• As etapas da reprodución dunha planta con flores son a polinización, a fecundación, a formación da semente e do froito e a xerminación.
  • A polinización é o paso do pole desde o estame dunha flor ao pistilo doutra. O pole pode ser transportado polo vento ou por animais que acoden ás flores.
  • A fecundación: na flor que foi polinizada prodúcese a fecundación cando o gran de pole se une ao óvulo.
  • A formación de semente e do froito: o óvulo fecundado forma o embrión, almacena nutrientes e rodéase dunha cuberta protectora. Transfórmase nunha semente. Á vez, o pistilo crece e orixina o froito.
  • A xerminación: se as sementes chegan a un solo axeitado e húmido, xerminan, é dicir, o embrión desenvólvese e forma a nova planta.