Xa sabes que a Terra está rodeada por unha capa de aire que se chama atmosfera.
A Atmosfera é unha capa composta principalmente por aire, pero tamén por partículas que flotan nela (gotiñas de auga, fume, feluxe, po, ...)
O aire é unha mestura de varios gases diferentes:
Nitróxeno. É con moita diferenza, o gas máis abundante do aire.
Osíxeno. É o gas que necesitamos para respirar. É o segundo en abundancia.
Outros gases. O aire, ten ademáis, cantidades moi pequenas de argon, de dióxido de carbono, de helio, de ozono, de vapor de auga,... Destaca o dióxido de carbono porque é moi importante para as plantas.
A atmósfera esténdese ata unha altitude de máis de 500 quilómetros sobre a superficie terrestre. Non obstante,, a maior parte do aire concéntrase nos primeiros oito quilómetros, máis arriba o aire e difícil de respirar.
Na atmosfera teñen lugar cambios continuos que podemos notar e que chamamos fenómenos atmoféricos.
Os fenómenos atmosféricos son todos os cambios que ocorren na atmosfera, como o vento, a formación de nubes ou as precipitacións
O vento. É o movemento do aire.
Esta animación axudarache a entendelo mellor.
A formación de nubes. AS nubes son grandes conxuntos de diminutas gotiñas de auga que se forman na atmosfera e flotan nela.
As precipitacións. Son a chuvia, a neve ou a saraiba. Prodúcense porque as gotiñas de auga das nubes caen á terra en estado líquido ou en forma de xeo.
Tipos de nubes:
A hidrosfera: a auga da Terra.
A auga é moi abundante na Terra. Atópase distribuida en grandes masas que poden ser superficiais ou subterráneas.
Augas superficiais:
As augas superificiais son as que se atopan sobre a sueperficie da codia terrestre.
Son augas superficiais:
Os océanos, que conteñen a maior parte da auga da Terra e cobren moita superficie da codia.
Os ríos, os arroios, os lagos e as lagoas, que se atopan sobre os continentes. As augas dos ríos e arroios corren polas pendentes ata os océanos. As dos lagos e lagoas permanecen acumuladas.
As masas de xeo, que son acumulación de auga en estado sólido. Atópanse en rexións da Terra moi frías, como os polos e os cumes das montañas.
Augas subterráneas:
As augas subterráneas son acumulacións de auga que se atopan baixo a superficie dos continentes.
Fórmanse cando a auga da chuvia se filta a través do chan ata que queda encerrada en depósitos chamados acuíferos. Ás veces volve a saír á superficie por fontes naturais que se chaman manantiais.
Augas salgadas e augas doces: case toda a auga da Terra está mesturada con outras substancias chamadas sales. Segundo a cantidade de sales que contén, distinguimos:
Augas salgadas. O sabor é salgado porque teñen moitos sales, e atopámolas nos océanos, nalgúns ríos e lagos, e en certas augas subterráneas.
Augas doces. O seu sabor non é salgado porque teñen moi poucos sales. Atopamos auga doce na maioría dos ríos, lagos e lagoas e nalgunhas augas subterráneas.
A auga en Galicia.
Os ríos e os encoros: Se observas o mapa físico de Galicia verás que ten numerosos ríos. Forman unha gran rede que se estende por todo o territorio.
En xeral, os ríos galegos son curtos e levan moita auga porque chove moito
O río principal de Galicia é o río Miño. É o único río galego que non é curto. Percorre 310 quilómetros atravesando Galicia de Norte a sur.
Ten a súa cabeceira na serra de Meira, ao norte de Lugo, e desemboca na Guarda, ao sur de Pontevedra. No seu percorrido pasa polas cidades de Lugo e Ourense,
Desembocadura do rio Miño. Vistas desde Monte de Santa Tegra en A Guarda
As lagoas son pequenas e pouco profundas, pero son moi importantes polos animais e as plantas que viven nelas.
As lagoas galegas máis importantes son as lagoas litorais, que están separadas do mar por dunas ou barreiras de area. Destacan:
A lagoa da Frouxeira, en Valdoviño
Lagoa de Doniños en Ferrol
Lagoa das Xarfas en Muros.
O mar
A costa galega está bañada polo mara Cantábrico, ao norte, e polo océano Atlántico, ao oeste.
Nas aguas mariñas galegas son moi importantes a pesca, o marisqueo e a acuicultura.
A acuicultura é o cultivo de especies mariñas, como o mexillón, a ameixa ou o radaballo
Necesitamos auga para todo:
Para que utilizamos a auga?
Como outros seres vivos, as persoas necesitamos beber auga. Pero ademais, utilizamos auga en moitas actividades humanas. Case sempre necesitamos auga doce e, en moitos casos, auga potable
A auga potable é auga doce que se pode beber porque non contén nada que perxudique a nosa saúde.
Como utilizamos a auga?
Os seres humanos somos moi numerosos e necesitamos moita auga potable. Acadala non é fácil, e para dispoñer dela debemos seguir catro procesos.
A obtención de auga doce.
A potabilización da auga que obtemos.
A distribución da auga ata os sitios onde se utiliza.
A depuración das augas xa utilizadas, ou residuais.
1. A obtención
A auga doce adóitase obter de dúas formas:
Tomándoa dos ríos. Almacénase en encoros para que non falte nas épocas de seca.
Extraéndoa dos acuíferos mediante perforacións chamadas pozos
2. Potabilización
É o tratamento da auga que consiste en eliminar dela todo o que nos poida perxudicar. Así se consegue auga potable.
3. A distribución
A auga, xa potable, condúcese ata as cidades, granxas, fábricas, ... mediante tubos e canalizacións.
4. A depuración
A auga que utilizamos queda contaminada. Por iso, antes de devolvela á natureza, hai que depurala, eliminando dela os contaminantes que poida conter.
Como chega a agua as nosas casas? Como e a onde se vai?
Aprende e divirte coa auga:
Aire e auga
22 de Marzo O DIA MUNDIAL DA AUGA: Cazadores de auga
As persoas, contaminamos o aire, provocamos cambios negativos na atmosfera que afectan a nosa saúde e a do planeta. É a contaminación atmosférica, producida por:
A expulsión de gases tóxicos, fume, po, ...
Os ruídos moi fortes, que danan os nosos oídos
Podemos reducir a contaminación se consumimos menos enerxía, reciclarmos e usamos menos o coche.
Os seres vivos terrestres necesitamos auga doce para beber. Beber auga salgada perxudicaríanos.
Pero case toda a agua da Terra é salgada. A auga doce é escasa, nalgúns lugares é case inexistente, ou moi dificil de conseguir ou esta contaminada.
Por iso, é moi importante que coidemos as reservas de auga doce e que non a malgastemos.
O AIRE E A AUGA NA TERRA
A atmosfera terrestre
A auga na Terra
Utilizamos a auga
A atmósfera está formada por
e por que flotan nela.
O aire é unha mestura de e outros gases.
Na atmófera hai continuos cambios. Sos os chamados como o , a formación de e as .
Na Terra hai augas:
, como as dos
océanos, os , os lagos ou masas de
que son as dos acuíferos.
Dependendo dos sales que conteñen, hai augas e
Para sobrevivir, as persoas necesitamos
auga e, a miudo
.
Para utilizar a auga, levamos a cabo catro procesos:
Actividades de reforzo:
1. Cita tres fenómenos atmosféricos: , ,
2. Nomea os gases máis importantes da atmosfera:
3. Que ten a atmosfera ademáis de aire?
4. Nas montañas altas os escaladores fatíganse e respiran mal, por que?
5. Que farias para reducir a contaminación atmosférica?
6. En que zonas da Terra hai auga en estado sólido?
7. Cita os principais conxuntos de auga do planeta:
8. En que se diferencia a agua doce e a auga salgada?
9. Cales son as principais características dos ríos galegos?
10. Onde nace o río Miño?
, onde desemboca?
, que cidades atravesa?
11.Cita dous exemplos do uso da auga.
12. Que debe ocorrer para que os habitantes dunha cidade dispoñan de auga potable?
13. Escribe unha definición de:
acuifero:
auga potable:
depuración:
14. Cales son os dous gases máis importantes do aire?
15. De que dous xeitos provocamos a contaminación atmosférica?
16. Que son as augas subterráneas?
17. En que se diferencian a chuvia, a neve e a saraiba?
Un autobús con 50 pasaxeiros produce 15 veces menos contaminantes que os coches que se necesitarían para transportalos.
Propón dúas medidas para reducir a contaminación do aire:
