Traballos para obter produtos naturais.

Os produtos naturais obtéñense da agricultura, a gandería, a pesca, a minería e a silvicultura.

 

A agricultura é o cultivo da terra para obter produtos agrícolas: cereais, froitas e hortalizas. Pode ser de secano, se só se emprega a auga da chuvia para regar as plantas, ou de regadío, se se utiliza rega artificial.

A gandería é a cría de animais, en cortes ou ao aire libre, para obter produtos gandeiros: carne, leite, ovos, etc. Pode ser bovina, se cría vacas; ovina, se cría ovellas; avícola, se cría aves.

A pesca consiste na captura ou na cría de animais acuáticos. Obteéñense distintos tipos de produtos pesqueiros: peixes, mariscos, esponxas e algas.

A que se realiza no río, chámase pesca fluvial. A que se leva a cabo no mar coñécese como pesca marítima.

A pesca marítima pode ser de baixura, se para iso se empregan pequenos barcos preto da costa, ou de altura, se a realizan grandes barcos moi lonxe da costa.

A transformación dos produtos naturais en produtos elaborados faise en talleres de artesanía ou en fábricas.

As persoas que practican esta técnica son os artesáns.

Son artesáns os carpinteiros, os oleiros ou ceramistas, os canteiros, os tecedores, os xoieiros, ...

Hai moitos tipos de industrias. Algunhas das máis importantes cítanse deseguido:

• As industrias químicas. Hai moitos tipos: a que fai medicamentos, que é a farmacéutica; a que produce derivados do petróleo como a gasolina, os plásticos ou o alcatrán, que é a petroquímica; a que fabrica pinturas; a que fai produtos de limpeza.
• As industrias de automoción. Constrúen vehículos: a navieira, barcos; a aeroespacial,a vións, helicópteros, foguetes, ...; a automobilística, coches, camións, ...
• As industrias metalúrxicas. Obteñen metais a partir dos produtos extraídos das minas.
• As industrias alimentarias. Producen e envasan alimentos elaborados a partir de produtos naturais. Por exemplo, unha fábrica de caramelos.

Moitas persoas non traballan para obter produtos naturais ou elaborados, senón que realizan tarefas relacionadas co noso benestar ou as nosas necesidades. Traballan en servizos.

Os traballadores de servizos utilizan materiais, ferramentas e vehículos axeitados a cada tarefa.

Un traballo remunerado é o que se desempeña a cambio de diñeiro. Recíbese un importe pola venda de produtos e servizos. Por exemplo:

• Quen traballa para obter productos naturais consegue a súa remuneración pola venda do que obtén da terra, do gando, do mar.
• Quen fabrica produtos elaborados, recíbea pola venda deses produtos.
• Quen traballa en servizos ou empresas son remunerados, unhas veces por persoas ou empresas que necesitan o seu traballo, e outras veces, por organismos públicos, como concellos, ministerios, etc.

Na nosa sociedade, moitas persoas fan traballos non remunerados, polos que non obteñen ningún diñeiro a cambio. Os máis importantes son:

• Os traballos domésticos nas casas: a limpeza, a preparación da comida, o lavado e alisado da roupa, ... No fogar, é necesario establecer unha boa distribución das tarefas entre todos os membros da familia.
• Os servizos sociais, realizados voluntaria e desinteresadamente por persoas que coidan enfermos ou axudan en situacións de urxencia. Ás veces, estas persoas agrúpanse en organización non gobernamentais (ONG).